اردو ورلڈ کینیڈا ( ویب نیوز ) اسرائیلی فوج نے المواسی کیمپ میں محمود صلاح کے خیمے کو نشانہ بنایا جس کے نتیجے میں وہ اور ان کا معاون شہید۔

غزہ پر اسرائیل کی فضائی بمباری میں تیزی آگئی ہے اور اسرائیل انسانی حقوق کے تمام قوانین کی خلاف ورزی کرتے ہوئے اسپتالوں، اسکولوں اور پناہ گزینوں کے کیمپوں کو بلاامتیاز نشانہ بنا رہا ہے۔چند روز قبل اسرائیلی فوج نے شمالی غزہ کی پٹی میں آخری کام کرنے والے کمال عدوان ہسپتال کو نشانہ بنایا اور ہسپتال کے اہم حصوں کو آگ لگا دی جس سے وہ ناقابلِ استعمال ہو گیا۔صہیونی فورسز نے کمال عدوان اسپتال کے ڈائریکٹر حسام ابو صفیہ کو بھی حراست میں لے کر حراستی مرکز منتقل کردیا ہے۔اس حوالے سے اقوام متحدہ کا کہنا ہے کہ اسرائیل جان بوجھ کر غزہ کے اسپتالوں کو نشانہ بنا رہا ہے جو کہ نسل کشی کے زمرے میں آتا ہے۔