رپورٹ میں بتایا گیا کہ اسرائیلی ڈرون حملے کا نشانہ بننے والے تمام فلسطینی شہری تھے، ان کا تعلق فلسطینی مزاحمتی تنظیم حماس سے نہیں تھا جب کہ فلسطینی سرکاری اسپتال نے اسرائیلی ڈرون حملے میں 6 فلسطینیوں کی شہادت کی تصدیق کی ہے۔
اسرائیلی فوج نے رات ایک بجے کے قریب شہر جنین اور پناہ گزینوں کے کیمپ پر دھاوا بولا، اس دوران کیمپ میں موجود فلسطینیوں کی جانب سے شدید مزاحمت کی گئی، جب کہ بارودی مواد کے پھٹنے سے اسرائیلی فوج کی ایک گاڑی بھی تباہ ہوگئی۔ فوجی زخمی بھی ہوئے۔واضح رہے کہ اسرائیلی فوج نے مقبوضہ مغربی کنارے سے کم از کم 5 ہزار سے زائد فلسطینیوں کو گرفتار کیا ہے جب کہ 7 اکتوبر سے مقبوضہ مغربی کنارے میں شہید ہونے والے فلسطینیوں کی تعداد 332 ہوگئی ہے۔