اردو ورلڈ کینیڈا ( ویب نیوز ) حملے شام کے مختلف علاقوں بشمول حمص اور دمشق کے جنوب مغربی حصوں میں کیے گئے۔

ا سرائیل نے جن فضائی اڈوں کو نشانہ بنایا ان میں قمشلی، شیناشر بیس اور عقبہ ایئر بیس شامل۔ذرائع کا کہنا ہے کہ ان فضائی اڈوں پر درجنوں ہیلی کاپٹر اور جنگی طیارے موجود تھے جنہیں حملے میں نشانہ بنایا گیا۔اس کے علاوہ دمشق میں ایک تحقیقی مرکز اور ایک الیکٹرانک جنگی مرکز پر بھی کئی حملے کیے گئے ہیں۔عرب میڈیا کے مطابق اسرائیل نے گولان کی پہاڑیوں کے ساتھ ایک بفر زون پر بھی قبضہ کر رکھا ہے جس سے خطے میں کشیدگی مزید بڑھنے کا امکان ہے۔ ان حملوں کے بعد علاقے کی صورتحال کشیدہ ہو گئی ہے جبکہ شام کی جانب سے فوری طور پر ردعمل کے حوالے سے کوئی بیان سامنے نہیں آیا ہے۔ماہرین کا کہنا ہے کہ ان حملوں کا مقصد شام کے دفاع کو کمزور کرنا اور اسٹریٹجک اثاثوں کو نقصان پہنچانا ہو سکتا ہے۔. خطے میں جاری تنازعہ نے پہلے ہی بین الاقوامی خدشات کو جنم دیا ہے۔