اردو ورلڈ کینیڈا ( ویب نیوز ) یک اسرائیلی کمپنی نے گھر میں گھسنے والے خودکش ڈرون تیار کیے ہیں جو کمپیوٹر ویژن اور مصنوعی ذہانت کے تحت کام کرتے ہیں۔
ایلبٹ کمپنی ایک طویل عرصے سے دفاعی ساز و سامان تیار کر رہی ہے جس میں زمینی، بحری اور فضائی ہتھیار اور جاسوسی کا سامان شامل ہے۔ اب اس نے ہتھیلی پر سوار UAV ڈرون بنایا ہے جس کا نام ‘Linius’ ہے۔
یہ بھی پڑھیں
دیواروں کی ٹکر برداشت کرنے والا ڈرون تیار
مذکورہ ڈرون بارود سے لدا ہوا اور میدان جنگ، گھات لگا کر یا گھروں میں چھپے ‘دشمن کو خودکش حملے میں مارنے کی پوری صلاحیت رکھتا ہے۔پچھلے ہفتے، ایلبٹ نے گھر میں گھسنے والے ہینڈ ہیلڈ ڈرون کے ایک نئے ماڈل کی نقاب کشائی کی جو اپنے مشن کو مکمل کرنے کے لیے گھروں اور عمارتوں کے اندر جا سکتا ہے، خاص طور پر گنجان آباد شہروں میں یہ اڑنے والے ڈرون کمرے کی کھڑکی سے گزر کر اپنا مقصد پورا کر سکتے ہیں۔
مزید پڑھیں
جیب میں سما جانے والا ڈرون کیمرہ تیار
اسرائیلی ماہرین نے اس ڈرون کو منی ایچر ٹیکنالوجی کی بدولت طاقتور بنایا ہے۔ پھر مصنوعی ذہانت اس کا دل و دماغ ہے جس کی بدولت ڈرون نہ صرف دوست اور دشمن کی شناخت کرسکتا ہے بلکہ دشمن کو دھماکے سے مارنے کی صلاحیت بھی رکھتا ہے۔ڈرون بند اور کھلے دروازوں کا پتہ لگا سکتا ہے اور یہ مکمل طور پر خودکار بھی ہے۔ اس میں اطراف کو تیزی سے تبدیل کرنے کی حیرت انگیز صلاحیت ہے اور یہ مہلک یا غیر مہلک وزن اٹھا سکتا ہے۔
