اردوورلڈ کینیڈا( ویب نیوز)اسرائیلی وزیراعظم نے نائب صدر کمالہ ہیرس سے ملاقات کی۔ ملاقات میں کملا ہیرس نے غزہ میں ہلاکتوں پر شدید تحفظات کا اظہار کیا۔
امریکی نائب صدر اور ڈیموکریٹک صدارتی امیدوار کملا ہیرس نے ملاقات میں کہا کہ غزہ کی صورتحال پر خاموش نہیں رہیں گے، غزہ جنگ بندی کے معاہدے کا وقت آگیا ہے۔
کملا ہیرس نے اسرائیلی وزیراعظم پر زور دیا کہ وہ جنگ بندی کے معاہدے کے لیے ایسے اقدامات کریں جس سے فلسطینی شہریوں کی مشکلات میں کمی آئے۔
ملاقات کے بعد صحافیوں سے بات کرتے ہوئے کملا کا کہنا تھا کہ انہوں نے غزہ میں انسانی بحران پر بات چیت کی، اسرائیل کو اپنے دفاع کا حق حاصل ہے لیکن وہ اپنا دفاع کیسے کرتا ہے اس سے فرق پڑتا ہے۔
کملا ہیرس نے امریکیوں پر زور دیا کہ وہ ‘خطے کی پیچیدگی، اہمیت اور تاریخ کو سمجھنے کی کوششوں کی حوصلہ افزائی کریں۔