اسرائیلی طیاروں نے رفح کے مغربی علاقوں میں شدید حملہ کیا، زیتون محلے میں ایک گھر پر بمباری سے 7 افراد شہید جب کہ الزاویدہ میں ایک گھر پر بمباری سے بچوں سمیت 13 افرادشہید ہوگئے۔دونوں حملوں میں متعدد افراد زخمی بھی ہوئے۔عرب میڈیا کے مطابق اسرائیلی قابض فوج نے نابلس کے خصوصی ہسپتال پر بھی دھاوا بول دیا اور طیاروں نے رفح شہر کے مغربی علاقوں پر حملے کیے ہیں۔اطلاعات کے مطابق شمالی غزہ کی پٹی میں جبالیہ کیمپ پر اسرائیلی بمباری میں 3 افراد بھی شہید ہوگئے۔اسرائیل کے ہاتھوں غزہ میں نسل کشی جاری، شہید بچوں کی تعداد 3500 تک پہنچ گئی۔
عرب میڈیا کے مطابق اسرائیلی فوج نے نابلس کے مغرب میں واقع قصبے زواتہ پر بھی حملہ کیا اور صبح ہوتے ہی غزہ کی پٹی کے مختلف علاقوں پر حملے شروع کردیے۔غیر ملکی میڈیا کے مطابق اسرائیلی فوج نے سلفیت کے مغرب میں واقع قصبے دیر بلوت میں رکن پارلیمنٹ ڈاکٹر ناصر عبدالجواد کو حراست میں لے لیا جب کہ آزاد کیے گئے قیدی خلدون المحریق کو السامو میونسپلٹی کونسل کے رکن نے حراست میں لے لیا۔ ہیبرون کے جنوب میں بھی گرفتار کیا گیا۔
اسرائیلی فوج نے غزہ میں البریح کیمپ کے مشرق میں ایک بار پھر گھروں پر بمباری کی ہے۔اسرائیلی فوج کے ترجمان کا کہنا ہے کہ حماس یرغمالیوں کو دباؤ اور نفسیاتی جنگ کے طور پر استعمال کرتی ہے۔واضح رہے کہ 7 اکتوبر سے جاری حملوں میں شہید فلسطینیوں کی تعداد 8 ہزار 400 تک پہنچ گئی ہے جب کہ 23 ہزار سے زائد زخمی ہیں، شہداء میں 73 فیصد بچے، خواتین اور بزرگ افراد ہیں۔
