اردو ورلڈ کینیڈ ا ( ویب نیوز ) اسرائیلی فوج نے مقبوضہ مغربی کنارے کے علاقے جیریکو میں ایک فلسطینی نوجوان کو گولی مار کر شہید کردیا۔

بین الاقوامی میڈیا کے مطابق فلسطینی وزارت صحت نے ایک پریس کانفرنس میں تصدیق کی ہے کہ پیر کو اسرائیلی قابض فوج نے مقبوضہ مغربی کنارے کے شہر جیریکو میں واقع عقبت جبر پناہ گزین کیمپ میں ایک فلسطینی نوجوان کو گولی مار کر شہید کردیا۔

مقامی رہائشیوں کا کہنا ہے کہ اسرائیلی فورسز نے عقبت جبر پر چھاپہ مارا اور 20 سالہ سلیمان عیش اوید سمیت تین افراد کو گرفتار کر لیا، جو گرفتاری سے قبل اسرائیلیوں کی براہ راست فائرنگ سے زخمی ہو گیا تھا۔اسرائیلی حکام نے بعد میں فلسطینی اتھارٹی کے سول رابطہ دفتر کو مطلع کیا کہ اوید دوران حراست زخموں کی تاب نہ لاتے ہوئے چل بسا۔

یہ بھی پڑھیں

اسرائیلی فوج کا فلسطینی شہر غزہ پر حملہ

سلیمان کے والد نے روتی آنکھوں سے واقعہ کی تفصیلات بیان کرتے ہوئے کہا کہ میں سو رہا تھا کہ گولیوں کی آوازیں آئیں اور میں بیدار ہوا۔ میرا بیٹا اپنے دوستوں کے ساتھ باہر تھا جب اسے گولی ماری گئی۔ کل ہی وہ پوسٹ پر لوگوں کی مدد کر رہا تھا اور پانی تقسیم کر رہا تھا۔