اسرائیل کی دفاعی افواج کی طرف سے جاری کردہ ایک بیان میں کہا گیا ہے کہ وہ غزہ میں یرغمالیوں کو تلاش کرنے کی ہر ممکن کوشش کریں گے۔
قبل ازیں اسرائیل نے اقوام متحدہ کے حکام کو الٹی میٹم دیتے ہوئے کہا تھا کہ شمالی غزہ کے 1.1 ملین مکینوں کو 24 گھنٹوں میں علاقہ خالی کرنے کی ہدایت کی گئی ہے۔
اس سے قبل اسرائیل نے غزہ کی شہری آبادی پر 6000 بم گرانے کا اعتراف کیا تھا ۔ اسرائیلی فضائیہ کی جانب سے جاری کردہ بیان کے مطابق 6 روز کے دوران غزہ میں حماس کے ٹھکانوں پر 4 ہزار ٹن وزنی 6 ہزار بم گرائے گئے ہیں۔ فضائی حملوں میں 3600 سے زائد اہداف کو نشانہ بنایا گیا۔
یہ خبر بھی پڑھیں
6 روز میں غزہ پر 6 ہزار بم گرائے،اسرائیل کا اعتراف
حماس کے ترجمان ابو عبیدہ نے ایک بیان میں کہا ہے کہ اگر زمینی حملہ کیا گیا تو اسرائیلی فوج کا صفایا ہو جائے گا۔ جنگ کے آغاز میں اسرائیلی فوج کے غزہ ڈویژن کو تباہ کر دیا گیا۔ القدس کے تحفظ کے لیے اس طرح کے مزید اقدامات کرنے کا فیصلہ کیا گیا ہے۔ آپریشن الاقصیٰ فلڈ توقع سے زیادہ کامیاب رہا ہے۔
