50
اردو ورلڈ کینیڈا ( ویب نیوز ) ترکی نے حماس کو اسلحہ اور مالی مدد فراہم کرنے کے اسرائیلی الزامات کو جھوٹ قرار دیتے ہوئے مسترد کردیا۔ ترکی نے اسرائیلی الزامات کا جواب دیتے ہوئے کہا کہ وہ ان جھوٹے الزامات کو مسترد کرتا ہے اور اسرائیلی الزامات غزہ جنگ سے توجہ ہٹانے کی کوشش ہے۔ اسرائیلی وزیر خارجہ نے ترکی پر حماس کو ہتھیار اور مالی مدد فراہم کرنے کا الزام عائد کرتے ہوئے کہا کہ اسرائیلی سیکیورٹی سروس نے دہشت گردوں کے ان سیلوں کو غیر فعال کر دیا ہے جنہیں ترکی میں حماس کے ہیڈکوارٹر سے ہدایات مل رہی تھیں۔ ان الزامات کے جواب میں ترک وزیر خارجہ نے کہا کہ اسرائیل جھوٹ اور بہتان تراشیوں کی آڑ میں غزہ میں اپنے جرائم کو چھپانے کی کوشش کر رہا ہے لیکن ہمارے ملک اور صدر کے خلاف اسرائیل کا یہ پروپیگنڈا کامیاب نہیں ہو گا۔
