Imran 
غزہ پر اسرائیلی بمباری کے خلاف استنبول میں فلسطینیوں کے حق میں ریلی نکالی گئی جس میں لاکھوں افراد نے شرکت کی اور عالمی برادری تک فلسطینیوں کے بارے میں آواز اٹھائی۔ترک صدر رجب طیب اردوان نے استنبول میں فلسطینی ریلی سے خطاب کرتے ہوئے اسرائیل کی بربریت پر کڑی تنقید کی۔ترک صدر کی تقریر پر اسرائیلی وزیر خارجہ برہم ہوگئے اور ترکی سے اپنے سفارتی عملے کو واپس بلانے کا حکم دے دیا۔اسرائیلی وزیر خارجہ ایلی کوہن کا کہنا ہے کہ ترکی کی جانب سے آنے والے سنگین بیانات کی وجہ سے انہوں نے اپنے کچھ سفارتی عملے کو واپس بلا لیا ہے۔
یہ بھی پڑھیں
اسرائیلی مظالم کے پیچھے اصل مجرم مغربی طاقتیں،جان لیں ابھی ہم زندہ ہیں،اردوان
غزہ پر اسرائیلی جارحیت کے خلاف استنبول اور لندن سمیت دنیا بھر میں احتجاجی مظاہرے ہوئے۔انہوں نے اعلان کیا کہ وہ اسرائیل اور ترکی کے تعلقات کا از سر نو جائزہ لیں گے۔یاد رہے کہ ترک صدر رجب طیب ایردوان نے استنبول میں فلسطین ریلی سے خطاب میں مغربی ممالک کو تنقید کا نشانہ بناتے ہوئے کہا تھا کہ آپ یوکرین میں مرنے والوں کے لیے آنسو بہاتے ہیں لیکن غزہ کے بچوں کے لیے آواز کیوں نہیں اٹھاتے؟
