غیر ملکی میڈیا رپورٹس کے مطابق جنوبی افریقہ نے عالمی عدالت انصاف میں دائر درخواست میں استدعا کی ہے کہ عالمی عدالت رفح آپریشن روکنے کے لیے اپنے اختیارات استعمال کرے۔جنوبی افریقہ کے صدارتی دفتر سے جاری ہونے والے بیان میں کہا گیا ہے کہ رفح میں اسرائیلی فوجی آپریشن مزید ہلاکتوں، نقصانات اور تباہی کا باعث بنے گا۔
اسرائیلی کارروائی نسل کشی کنونشن اور عالمی عدالت انصاف کے 26 جنوری کے فیصلے کی سنگین خلاف ورزی ہوگی۔جنوبی افریقہ نے درخواست کی ہے کہ عالمی عدالت انصاف رفح میں فوجی آپریشن کرنے کے اسرائیل کے فیصلے پر اپنے اختیارات کے دائرہ کار پر نظرثانی کرے اور غزہ میں فلسطینیوں کے حقوق کی مزید خلاف ورزیوں کو روکنے کے لیے اپنے اختیارات استعمال کرے۔واضح رہے کہ جنوبی افریقہ نے اس سے قبل غزہ میں فلسطینیوں کی نسل کشی پر اسرائیل کے خلاف عالمی عدالت انصاف (آئی سی جے) سے رجوع کیا تھا۔
