غیر ملکی میڈیا رپورٹس کے مطابق برطانوی وزیر دفاع گرانٹ شیپس نے کہا ہے کہ اسرائیلی وزیراعظم بنجمن نیتن یاہو کی جانب سے فلسطینی خودمختاری کی مخالفت مایوس کن ہے۔ میرے خیال میں اسرائیلی وزیر اعظم کا ایسا بیان دراصل مایوس کن ہے۔قبل ازیں اقوام متحدہ کے سیکرٹری جنرل انتونیو گوتریس نے بھی اسرائیلی وزیراعظم کے بیان کو ناقابل قبول قرار دیتے ہوئے کہا تھا کہ فلسطینیوں کو اپنی ریاست بنانے کا حق ہے جسے سب تسلیم کرتے ہیں ۔

اسرائیلیوں اور فلسطینیوں کے لیے دو ریاستیں حل کو تسلیم نہ کرنا اور فلسطینی عوام کے ریاست کے حق سے انکار ناقابل قبول ہے۔حماس کے خلاف جنگ میں اسرائیل کے اہم اتحادی امریکہ نے حال ہی میں فلسطینی ریاست کے قیام کی حمایت کا اعادہ کیا تھا جس کے جواب میں نیتن یاہو نے فلسطینی ریاست کے قیام کی مخالفت کا اعادہ کرتے ہوئے امریکہ پر تنقید کی تھی۔