عرب میڈیا کے مطابق غزہ میں اسرائیل کی تباہ کن بمباری شدت کے ساتھ جاری ہے۔ اسرائیل نے فلسطینیوں کے خلاف سفید فاسفورس کا استعمال کیا۔ اسرائیل غزہ کی پٹی پر بڑے پیمانے پر فضائی، زمینی اور سمندری حملے کر رہا ہے۔اسرائیلی فوج کے ٹینک فلسطینیوں کے گھروں پر گولہ باری کر رہے ہیں۔ اسرائیلی فوج نے غزہ میں گرجنے والے اپنے ٹینکوں کی فوٹیج جاری کی۔

یہ بھی پڑھیں

غزہ کی پٹی کا مکمل محاصرہ،پانی اور ایندھن کی سپلائی منقطع،سینکڑوں فلسطینی شہید،سینکڑوں اسرائیلی مارے گئے

حماس کے عسکری ونگ القسام بریگیڈز نے ایک بیان میں کہا ہے کہ اس کے جنگجوؤں کی اسرائیلی فوج کے ساتھ شمال مشرقی غزہ کے قصبے بیت حنون اور وسطی پٹی میں ایک پل پر جھڑپ ہوئی۔ راکٹ حملے اسرائیل کے خلاف جوابی کارروائی میں کیے گئے۔دوسری جانب اسرائیلیوں کی جانب سے غزہ میں انٹرنیٹ اور دیگر مواصلاتی رابطے منقطع کیے جانے کے بعد غزہ تاحال دنیا سے منقطع ہے۔