اردو ورلڈ کینیڈا ( ویب نیوز ) اسرائیل کا غزہ میں مظالم کا سلسلہ نہ رک سکا ، اسرائیلی فوج نے خان یونس میں یورپی ہسپتال کے احاطے پر 9 بنکر بسٹر بم گرائے جس سے زمین کئی جگہوں پر پھٹ گئی۔
اسرائیلی حملے میں اب تک 28 فلسطینی ہلاک اور 70 زخمی ہو چکے ہیں۔اسرائیل نے زخمیوں کو نکالنے والوں پر بھی بمباری کی۔. ہسپتال کے قریب کھڑی ایک بس بم حملوں کی وجہ سے زمین میں دھنس گئی۔اسرائیلی فوج کے ترجمان کے مطابق خان یونس میں حملے میں حماس کے رہنماؤں کو نشانہ بنایا گیا، جو ہسپتال کے نیچے زیر زمین کمانڈ اینڈ کنٹرول کمپلیکس میں تھے۔دوسری جانب فلسطینی ذرائع کا کہنا ہے کہ اسرائیل نے یحییٰ سنوار کے بھائی محمد سنوار کو قتل کرنے کی کوشش کی ہے۔غزہ کے عوام بہتر مستقبل کے مستحق ہیں: امریکی صدر ٹرمپ
سعودی عرب میں ایک تقریر کے دوران امریکی صدر ڈونلڈ ٹرمپ نے کہا کہ وہ غزہ کے خلاف اسرائیل کی جاری جنگ کو جلد از جلد ختم کرنے کے لیے کام کر رہے ہیں۔امریکی صدر ڈونلڈ ٹرمپ نے اپنی تقریر میں کہا تھا کہ دہشت گردی نے غزہ کی پٹی اور لبنان میں بہت سے لوگوں کی جانیں لے لی ہیں۔. غزہ کے لوگوں کے ساتھ ناروا سلوک ناقابل تصور ہے۔. یہ ڈراؤنا خواب ختم ہونا چاہیے۔. مجھے جنگیں پسند نہیں ہیں، میں دنیا بھر میں امن چاہتا ہوں۔
