اردو ورلڈ کینیڈا ( ویب نیوز )پیپلز پارٹی کے چیئرمین بلاول بھٹو زرداری نے کہا ہے کہ 3 ججز پاکستان کو ایک بار پھر آمریت کی دلدل میں دھکیل دیں گے۔ آج بھی ہوشیار رہنے کا وقت ہے،۔ ایمرجنسی یا مارشل لا کا خدشہ ہے۔
لاڑکانہ میں میڈیا سے بات کرتے ہوئے وزیر خارجہ بلاول بھٹو زرداری کا کہنا تھا کہ گزشتہ حکومت میں گرفتار دہشت گردوں کو رہا کیا گیا، سابقہ حکومت کے فیصلوں کی وجہ سے آج پاکستان کو دوبارہ دہشت گردی کا سامنا ہے۔ اب بھی دہشت گردوں کو شکست دیں گے، 1973 کا آئین بھٹو نے دیا، آصف زرداری دور میں آئین بحال ہوا۔
پیپلز پارٹی کے چیئرمین بلاول بھٹو زرداری نے مزید کہا کہ آمروں کے بچے تحریک انصاف کا حصہ ہیں، 3 جج سوچیں کہ یہ کیا ہو رہا ہے، سپریم کورٹ کے ججز اپنے کردار سے ثابت کریں گے کہ وہ عدلیہ ہیں یا ٹائیگر فورس بننا چاہتے ہیں۔ صرف ہم ہی نہیں، باقی ججز بھی 3 ججز پر اختلاف کر رہے ہیں، 9 رکنی بنچ اب 3 رکنی بنچ بن چکا ہے۔
وزیر خارجہ بلاول زرداری نے کہا کہ یہ مناسب نہیں تھا کہ صرف 3 ججز اس بینچ کی سماعت کریں، جسٹس اعجاز الحسن اس بنچ کا حصہ کیسے ہیں، مناسب ہے کہ لارجر بنچ بنایا جائے، اگر لارجر بنچ نہیں بنتا تو پھر کیا ہو گا۔
