Imran 
اردو ورلڈ کینیڈا ( ویب نیوز ) ہندوستان میں آئے روز عجیب و غریب وقعات کا رونما ہونا معمول بن چکا ،حال ہی میں بھارتی میڈیا پر شیئر ہونے والی ایک ویڈیو نے سوشل میڈیا صارفین کو حیران کر دیا ۔بھارتی میڈیا کے سوشل میڈیا پیج پر ایک ویڈیو شیئر کی گئی ہے جس میں متوفی کو آئٹم ڈانس اور ڈی جے سسٹم کے ساتھ لے جاتے ہوئے دیکھا جا سکتا ہے۔
ویڈیو کے کیپشن میں دعویٰ کیا گیا ہے کہ بھارتی ریاست بہار کے بیٹے نے اپنے والد کی میت لے جانے کے لیے آئٹم ڈانس اور ڈی جے سسٹم کا انتخاب کیا۔ویڈیو میں دیہاتیوں کو لاش اٹھاتے ہوئے دیکھا جا سکتا ہے جبکہ ایک ڈی جے سسٹم اور 2 خواتین بھی لاش کے سامنے رقص کرتی نظر آ رہی ہیں۔ویڈیو میں بیٹے کے بیان کے حوالے سے بتایا گیا ہے کہ والد کو آئٹم ڈانس دیکھنا پسند تھا، اس لیے والد کی پسند کو مدنظر رکھتے ہوئے میت کو لے جانے کے لیے یہ طریقہ اپنایا گیا۔
