اردو ورلڈ کینیڈا ( ویب نیوز ) بنگلہ دیش کے طلبہ رہنمائوں کی اپیل پر مظاہرین نے وزیر اعظم ہائوس سے لوٹا گیا سامان حساس دستاویزات، فرنیچر، الیکٹرانک آلات، زیورات اور جانوروں سمیت 500 اشیاء واپس کر دیں۔ایک اور شخص نے ہیرے کی بالیاں اور جھمکے سمیت دیگر زیورات چرا لیے۔ وزیراعظم ہاؤس کے کبوتر اور بلیاں بھی واپس کر دی گئیں۔طلبہ رہنما اس خاتون کی تلاش میں ہیں جس نے وزیراعظم کی رہائش گاہ سے میک اپ بیگ لیا تھا۔
واپس لوٹے گئے خفیہ دفاعی اور سیکورٹی دستاویزات کو محفوظ مقام پر منتقل کر دیا گیا ہے اور فوج ان کی نگرانی کر رہی ہے۔لوٹے ہوئے سامان کی واپسی کے لیے وزیراعظم ہاؤس کے گیٹ پر کاؤنٹر قائم کر دیا گیا ہے جہاں لوگ لوٹا ہوا سامان جمع کروا رہے ہیں۔واضح رہے کہ بنگلہ دیش میں پرتشدد مظاہروں اور اس کے نتیجے میں سیکڑوں افراد کی ہلاکت کے بعد 5 اگست کو بنگلہ دیشی وزیراعظم حسینہ واجد نے استعفیٰ دے دیا تھا اور وہ بھارت فرار ہو گئے تھے۔شیخ حسینہ واجد کی بھارت روانگی کے بعد مظاہرین ان کی سرکاری رہائش گاہ میں گھس گئے جہاں مظاہرین نے توڑ پھوڑ کی اور سامان اٹھا کر لے گئے۔
