اردوورلڈ کینیڈا( ویب نیوز)پاکستان نے جعفر ایکسپریس میں اپنی سرزمین کے استعمال پر افغانستان کے ساتھ باضابطہ طور پر شدید احتجاج درج کرایا ہے۔. ذرائع کے مطابق افغان سفیر کو دفتر خارجہ میں طلب کیا گیا اور احتجاج ریکارڈکرایا گیا۔.

دفتر خارجہ نے طالبان حکومت پر زور دیا کہ وہ ٹرین حملے کے ذمہ داروں کو انصاف کے کٹہرے میں لانے میں پاکستان کی مدد کرے۔. یاد رہے کہ 11 مارچ کو دہشت گردوں نے دارا بولان میں جعفر ایکسپریس پر حملہ کیا اور اسے ہائی جیک کر لیا، 400 سے زائد مسافروں کو 30 گھنٹے تک یرغمال بنا کر رکھا، ٹرین کوئٹہ سے پشاور جا رہی تھی۔.
پاکستانی سکیورٹی فورسز نے فضائیہ اور ایلیٹ آرمی کمانڈوز کی مدد سے 350 سے زائد مسافروں کو بچایا۔
حکام کے مطابق دہشت گردوں نے آپریشن شروع ہونے سے قبل 26 مسافروں کو ہلاک کر دیا تھا۔. تمام 33 دہشت گردوں کو سیکورٹی فورسز نے بے اثر کر دیا۔
یاد رہے کہ افغان طالبان نے پہلے پاکستان کے الزامات کو مسترد کرتے ہوئے کہا تھا کہ بلوچ دہشت گرد گروپ افغانستان میں کام نہیں کر رہے تھے اور ان کا کابل سے کوئی تعلق نہیں تھا، جب کہ ٹی ٹی پی اور بلوچ لبریشن آرمی نے ٹرین حملے کی ذمہ داری قبول کی تھی۔.
ذرائع کے مطابق دفتر خارجہ نے بنوں چھاؤنی پر حالیہ حملے میں افغان شہریوں کے ملوث ہونے کی اطلاع دی۔