اردوورلڈ کینیڈا( ویب نیوز)سابق وفاقی وزیر فواد چوہدری نے کہا ہے کہ کامیاب سیاست کے لیے جماعت اسلامی، جے یو آئی کو عمران خان سے اتحاد کرنا ہوگا۔
سماجی رابطے کی ویب سائٹ ٹوئٹر پر اپنے پیغام میں فواد چوہدری نے کہا کہ کامیاب عوامی شو پر جماعت اسلامی کو مبارکباد پیش کرتا ہوں۔ اتحاد کرنا ہو گا ورنہ ان کی دہائیوں کی بے نتیجہ سیاست جاری رہے گی۔
انہوں نے کہا کہ تحریک انصاف کو اس وقت عوام کی طاقت دکھانے کے لیے ان جماعتوں کی تنظیم کی ضرورت ہے کیونکہ تحریک انصاف کی تنظیم اس وقت مقدمات اور جیلوں کے خطرات سے دوچار ہے۔
سابق وفاقی وزیر نے مزید کہا کہ ان جماعتوں کا اتحاد سب کے مفاد میں ہے، اسد قیصر اور محمود خان اچکزئی ان معاملات کو تیز کریں تاکہ ملک سے فراڈ کا خاتمہ ہو اور عوامی حکومت قائم ہو سکے۔