64
اردوورلڈ کینیڈا( ویب نیوز)راولپنڈی میں جماعت اسلامی کا دھرنا ساتویں روز میں داخل ہوگیا۔امیر جماعت اسلامی حافظ نعیم الرحمن آج پھرمیڈیا سے گفتگو کریں گے۔
دوسری جانب راولپنڈی میں موسلادھار بارش کا سلسلہ جاری ہے جس کے باعث پنڈال میں پانی جمع ہوگیا ہے جب کہ صفائی کا عمل بھی ساتھ ساتھ جاری ہے۔ بارش کے باعث کارکنوں نے رات میٹرو شیڈز اور سیڑھیوں پر گزاری، رات گئے جماعت اسلامی کے کارکنوں کے تین موبائل فون چوری ہو گئے۔
کارکنوں کا کہنا تھا کہ وہ سو رہے تھے کہ نامعلوم افراد موبائل فون لے گئے۔ کارکنوں نے پنڈال میں فجر کی نماز بھی ادا کی۔
محکمہ موسمیات کے مطابق بارشوں کا سلسلہ 6 اگست تک جاری رہے گا، راولپنڈی کی مختلف سڑکوں پر پانی جمع، سڑکیں تالاب کا منظر پیش کرنے لگیں۔
