اردو ورلڈ کینیڈا ( ویب نیوز ) چین کے شہر شینزین میں جاپانی اسکول کے قریب ایک بچے پر چاقو سے حملہ کیا گیا۔غیر ملکی خبر رساں ادارے کے مطابق حکام کا کہنا ہے کہ بچہ سکول جا رہا تھا کہ 44 سالہ مشتبہ شخص نے اس پر چاقو سے حملہ کر دیا۔چاقو کے حملے میں 10 سالہ بچہ جاں بحق ہوگیا جب کہ حملہ آور کو موقع سے گرفتار کرلیا گیا۔ چینی وزارت خارجہ کے مطابق چاقو کے حملے میں ہلاک ہونے والا بچہ جاپانی شہری ہے، بچے کا والد جاپانی جبکہ ماں چینی شہری ہے، اس واقعے کے حوالے سے دونوں ممالک رابطے میں ہیں۔جاپان نے مطالبہ کیا ہے کہ چین واقعے کی مکمل تفصیلات فراہم کرے اور جاپانی شہریوں کی حفاظت کو یقینی بنائے۔