احتساب عدالت کے جج محمد بشیر نے ریٹائرمنٹ تک طبی چھٹی کا مطالبہ کیا ہے. وہ 14 مارچ 2024 کو ریٹائر ہو رہے ہیں.
ذرائع کے مطابق جج محمد بشیر نے اسلام آباد ہائی کورٹ اور وزارت قانون و انصاف کو 24 جنوری سے 14 مارچ تک چھٹیوں کے لیے خط لکھا. جج محمد بشیر کا لکھا ہوا خط ہائی کورٹ اور وزارت قانون و انصاف کو موصول ہوا.

ذرائع کا کہنا ہے کہ جج محمد بشیر نے لکھا ہے کہ وہ اپنی جسمانی حالت کی وجہ سے اپنے فرائض سرانجام نہیں دے سکتے.
یاد رہے کہ جج محمد بشیر کو 2012 میں پیپلز پارٹی کے اس وقت کے وزیر اعظم یوسف رضا گیلانی نے نیب میں تعینات کیا تھا اور وہ اب بھی نیب کورٹ میں تعینات تھے.
عدالتی قانون کے مطابق نیب کے ججوں کی تقرری تین سال کے لیے کی جاتی ہے
وہ واحد جج ہیں جن کی عدالت میں چار وزرائے اعظم راجہ پرویز اشرف، شاہد خاقان عباسی، نواز شریف اور عمران خان پیش ہوئے.