اردوورلڈ کینیڈا ( ویب نیوز)توشہ خانہ فوجداری کیس میں چیئرمین پی ٹی آئی کو تین سال قید کی سزا سنانے والے جج ہمایوں دلاور کو ا و ایس ڈی بنا دیا گیاچیف جسٹس اسلام آباد ہائی کورٹ جسٹس عامر فاروق کی ہدایت پر ایڈیشنل رجسٹرار نے ہمایوں دلاور کے تبادلے کا نوٹیفکیشن جاری کیا۔

نوٹیفکیشن کے مطابق ہمایوں دلاور کو ایڈیشنل سیشن جج کے عہدے سے ہٹا کر او ایس ڈی بنا دیا گیا ہے جب کہ انہیں اسلام آباد ہائی کورٹ رپورٹ کرنے کی ہدایت کی گئی ہے۔
ذرائع کے مطابق جج ہمایوں دلاور برطانیہ میں کورس میں شرکت کے بعد وطن واپس پہنچ گئے ہیں۔ وہ 5 اگست سے سالانہ عدالتی رخصت پر ہیں۔
واضح رہے کہ ایڈیشنل سیشن جج ہمایوں دلاور نے چیئرمین پی ٹی آئی کو تین سال قید اور ایک لاکھ روپے جرمانے کی سزا سنائی تھی۔
گزشتہ روز سپریم کورٹ میں پی ٹی آئی چیئرمین کی درخواست پر سماعت ہوئی اور چیف جسٹس نے کہا تھا کہ عدالت اسلام آباد ہائی کورٹ کے فیصلے کا انتظار کرے گی پھر فیصلہ دے گی۔ سماعت کے دوران چیف جسٹس عامر فاروق نے کہا تھا کہ توشہ خانہ کیس میں ٹرائل کورٹ نے جو کیا ہم نہیں کریں گے۔