اردوورلڈکینیڈا( ویب نیوز)چیف جسٹس آف پاکستان جسٹس قاضی فائز عیسیٰ نے ایڈہاک ججز سے حلف لیا، تقریب حلف برداری میں سپریم کورٹ کے ججز، اٹارنی جنرل اور عدالتی عملے نے شرکت کی۔
تقریب میں سینئر وکلاء اور ایڈہاک ججز کے اہل خانہ نے بھی شرکت کی۔ جسٹس (ر) سردار طارق اور جسٹس (ر) مظہر عالم میاں خیل کو ایک سال کے لیے تعینات کیا گیا ہے۔
واضح رہے کہ چند روز قبل صدر آصف علی زرداری نے سپریم کورٹ میں ایڈہاک ججز کی تقرری کی منظوری دی تھی جس کے بعد جسٹس (ر) سردار طارق مسعود اور جسٹس (ر) مظہر عالم خان میاں خیل کو ایڈہاک ججز تعینات کیا گیا تھا۔
صدر آصف علی زرداری نے آئین کے آرٹیکل 182 کے تحت ایڈہاک ججز کی تقرری کی منظوری دی۔ 20 جولائی کو سپریم جوڈیشل کمیشن نے جسٹس (ر) سردار طارق مسعود اور جسٹس (ر) مظہر عالم کو ایڈہاک ججز تعینات کرنے کی سفارش کی تھی۔