اردو ورلڈ کینیڈا ( ویب نیوز ) کملا ہیرس نے کہا ہے کہ ڈونلڈ ٹرمپ کو شکست دینے کے ساتھ ساتھ پارٹی اور قوم کو متحد کرنے کی کوشش کروں گی۔غیر ملکی میڈیا رپورٹس کے مطابق امریکی نائب صدر کملا ہیرس نے کہا ہے کہ صدر جو بائیڈن کی جانب سے بطور صدارتی امیدوار کی حمایت کرنا فخر کی بات ہے۔ میرا مقصد اگلے صدارتی انتخابات کے لیے ڈیموکریٹک نامزدگی حاصل کرنا اور جیتنا ہے۔کملا ہیریس نے مزید کہا کہ صدر بائیڈن نے ملک اور عوام کو ہر چیز سے بالاتر رکھا۔
یہ بھی پڑھیں
جوبائیڈن امریکی تاریخ کے بد ترین صدر،کملا ہیرس کو شکست دینا زیادہ آسان ہے،ٹرمپ
واضح رہے کہ امریکی صدر جو بائیڈن نے ملک میں آئندہ صدارتی انتخابات کی دوڑ سے دستبرداری کا اعلان کیا ہے۔ امریکی صدر کا مزید کہنا تھا کہ پارٹی اور ملک کے بہترین مفاد میں مستعفی ہونے کا فیصلہ کیا ہے۔ وہ اس ہفتے قوم سے خطاب کریں گے۔ ساڑھے تین سالوں میں ہم نے بحیثیت قوم بے پناہ ترقی کی ہے، آج امریکہ دنیا کی سب سے مضبوط معیشت ہے۔امریکی میڈیا کے مطابق جو بائیڈن کی دستبرداری کے بعد کملا ہیرس کے صدارتی امیدوار بننے کے امکانات روشن ہو گئے ہیں۔ امریکی صدر جو بائیڈن نے بھی کملا ہیرس کی بطور صدارتی امیدوار ہونے کے فیصلے کی تصدیق کر دی ہے۔
