اردوورلڈ کینیڈا( ویب نیوز)کراچی ایئرپورٹ کے قریب خودکش بم دھماکے کے معاملے میں ایک اہم پیش رفت ہوئی ہے۔. سی ٹی ڈی کی ابتدائی رپورٹ میں خودکش بم دھماکے کو پاکستان اور چین کے تعلقات خراب کرنے کی سازش قرار دیا گیا ہے۔.
انسداد دہشت گردی کے محکمے (CTD) نے ابتدائی رپورٹ انسداد دہشت گردی عدالت میں پیش کی۔. رپورٹ کے مطابق بلوچستان لبریشن آرمی خودکش دھماکے میں ملوث تھی .
رپورٹ میں بتایا گیا کہ خودکش دھماکہ آؤٹر ٹرمینل جناح انٹرنیشنل ٹرمینل کے قریب سی اے اے گارڈ روم کے سامنے ہوا۔ چینی باشندوں لی جون اور سن ہوازن سمیت 3 افراد ہلاک ہوئے۔.
رپورٹ کے مطابق دھماکے میں وقار، الیاس، نعیم، رانو خان، عظیم، طارق، علی، حمزہ، صبیح سمیت 12 سے زائد افراد زخمی ہوئے۔. بلوچستان لبریشن آرمی نے خودکش دھماکے کی ذمہ داری قبول کر لی ہے۔
سی ٹی ڈی کی رپورٹ میں کہا گیا ہے کہ دھماکے میں 15 گاڑیاں مکمل طور پر تباہ ہوئیں، واقعے کا کیس ایئرپورٹ پولیس اسٹیشن کے ایس ایچ او کی شکایت کے تحت سی ٹی ڈی میں درج کیا گیا ہے ۔