اردو ورلڈ کینیڈا ( ویب نیوز )مسلم لیگ ن کے سینئر رہنما اور وفاقی وزیر دفاع خواجہ آصف نے کہا ہے کہ پاکستان تحریک انصاف پر پابندی کا جائزہ لیا جا رہا ہے۔

میڈیا سے گفتگو کرتے ہوئے مسلم لیگ ن کے رہنما خواجہ آصف کا کہنا تھا کہ 9 مئی کے واقعات میں ملوث شرپسندوں کے مذموم عزائم تھے، ان حملوں سے پہلے منصوبہ بندی کی گئی تھی، گرفتار ملزمان کا یہ بھی کہنا تھا کہ حملوں کی منصوبہ بندی پہلے کی گئی تھی۔ شرپسندوں کو وہاں تک پہنچنے میں سہولت فراہم کی گئی۔

انہوں نے کہا کہ عمران خان نے پاک فوج کو سیاست کی پارٹی بنایا، نواز شریف کے ساتھ 5 سال میں کیا ہوا، حملہ کرنے کا سوچا ہی نہیں، عمران خان فوج کو اپنا مخالف سمجھتے ہیں۔

خواجہ آصف نے کہا کہ پی ٹی آئی پر پابندی کا فیصلہ ابھی نہیں ہوا، تحریک انصاف پر پابندی کا سوال ہوا تو پارلیمنٹ سے رائے لی جائے گی ۔