اردوورلڈ کینیڈا( ویب نیوز)وزیر دفاع خواجہ محمد آصف نے کہا کہ غزہ جیسے تنازعات حل ہونے تک دنیا میں استحکام نہیں آسکتا۔اقوام متحدہ کے اجلاس سے خطاب کرتے ہوئے وزیر دفاع خواجہ محمد آصف نے کہا کہ سیکورٹی چیلنجز سے نمٹنے کے لیے اجتماعی کوششیں کرنا ہوں گی۔
انہوں نے کہا کہ سیکورٹی مسائل نئی نسل اور امن کے لیے خطرہ ہیں، 100 سے زائد ترقی پذیر ممالک کو مواقع فراہم کرنے کے لیے عالمی نظام میں اصلاحات کی ضرورت ہے، بین الاقوامی برادری کی حیثیت سے ہمیں دنیا کے لیے بہتر راستہ طے کرنے میں کردار ادا کرنا ہے۔
وزیر دفاع نے کہا کہ مل کر کام کر کے ہم ایک محفوظ، زیادہ پرامن، جامع، پائیدار، خوشحال مستقبل حاصل کر سکتے ہیں۔
انہوں نے کہا کہ عالمی مالیاتی ادارے مالی طور پر کمزور ممالک کو قرضوں میں ریلیف فراہم کریں، بین الاقوامی مالیاتی ادارے ترقی پذیر ممالک کے ساتھ مالی تعاون کریں، پاکستان مصنوعی ذہانت سے فائدہ اٹھانا چاہتا ہے۔
خواجہ آصف کا مزید کہنا تھا کہ پاکستان بھی گلوبل ڈیجیٹل کے ذریعے دنیا میں کمیونیکیشن گیپ کو ختم کرنا چاہتا ہے۔