اردوورلڈ کینیڈا ( ویب نیوز )گلگت بلتستان کے حلقہ ایل اے 13 استور ون میں ہونے والے ضمنی انتخاب کے تمام 56 پولنگ سٹیشنز کے غیر سرکاری اور غیر حتمی نتیجے کے مطابق پی ٹی آئی کے امیدوار خورشید خان نے کامیابی حاصل کی ہے۔

تمام 56 پولنگ سٹیشنوں کے غیر سرکاری، غیر حتمی نتائج کے مطابق پی ٹی آئی کے خورشید خان 6219 ووٹ لے کر کامیاب ہوئے۔

مسلم لیگ ن کے رانا فرمان علی 5225 ووٹ لے کر دوسرے جبکہ پیپلز پارٹی کے عبدالحمید 3909 ووٹ لے کر تیسرے نمبر پر ہیں۔

واضح رہے کہ گلگت بلتستان اسمبلی کا ایوان 24 جنرل نشستوں پر مشتمل ہے، اسمبلی 33 ارکان پر مشتمل ہے جس میں خواتین کی 6 اور ٹیکنوکریٹس کی 3 نشستیں ہیں۔

نومبر 2020 کے الیکشن میں گلگت بلتستان اسمبلی میں پی ٹی آئی کے 20 ارکان کو مخصوص نشستوں سمیت شامل کیا گیا تھا، جب کہ پیپلز پارٹی کے 4، مسلم لیگ (جی) کے 3، ایم ڈبلیو ایم کے 3 اور جے یو آئی (ف) کے 1 رکن کو شامل کیا گیا تھا۔

4 جولائی 2023 کو وزیراعلیٰ خالد خورشید کو جعلی ڈگری کیس میں نااہل قرار دیا گیا، جس کے بعد یہ نشست خالی ہوئی، 18 اگست 2023 کو وزیر اطلاعات فتح اللہ خان کی کامیابی کا نوٹیفکیشن کالعدم قرار دیا گیا