اردوورلڈ کینیڈا( ویب نیوز)خیبرپختونخوا حکومت نے کم لاگت ہاؤسنگ اسکیم لانے کی تیاری کر لی دستاویز کے مطابق ابتدائی مرحلے میں ہاؤسنگ منصوبے کے لیے 4 ارب روپے مختص کرنے کا فیصلہ کیا گیا ہے، گھروں کی تعمیر کے لیے مستحق افراد کو 15 لاکھ روپے تک کے بلاسود قرضے د ئیے جائیں گے۔
دستاویز میں کہا گیا ہے کہ منصوبہ کم آمدنی والے افراد کیلئے لایا جا رہا ہے، ایک لاکھ روپے سے کم آمدنی والے شہریوں کو گھر کی تعمیر کے لیے قرض دیا جائے گا، جن کے پاس کم از کم 5 مرلہ اراضی ہے انہیں گھر کی تعمیر کے لیے قرض دیا جائے گا۔
ذرائع کے مطابق محکمہ ہاؤسنگ نے منصوبے پر کام شروع کر دیا ہے، شہری 10 سال میں انتہائی کم ماہانہ اقساط میں قرضہ ادا کریں گے، پرانے گھروں کی تزئین و آرائش کے لیے بھی قرضے دیئے جائیں گے، تاہم قرضہ صرف ان لوگوں کو دیا جائے گا جنکے پاس زمین ہے لیکن گھر بنانے کے پیسے نہیں۔
52
