امریکی اخبار نے جنوبی کوریا کی انٹیلی جنس ایجنسی کے حوالے سے دعویٰ کیا ہے کہ شمالی کوریا کی جانب سے فلسطین کی حمایت کے احکامات کے بعد خدشہ ہے کہ وہ حماس کو ہتھیار فراہم کرنے پر بھی غور کر سکتا ہے۔امریکی اخبار کے مطابق شمالی کوریا ماضی میں بھی حماس کو اینٹی بیلسٹک راکٹ لانچر فروخت کر چکا ہے۔

اخبار کے مطابق جنوبی کوریا کی انٹیلی جنس ایجنسی کا کہنا ہے کہ شمالی کوریا غزہ جنگ کے لیے حماس کو مزید ہتھیار دے سکتا ہے۔امریکی اخبار نے ہتھیاروں کے ماہرین کے حوالے سے کہا ہے کہ حماس نے اسرائیل پر حالیہ حملوں کے دوران شمالی کوریا کے تیار کردہ ہتھیار استعمال کیے ہیں۔