اردو ورلڈ کینیڈا ( ویب نیوز ) نیوزی لینڈ سے تعلق رکھنے والی خاتون کرکٹ امپائر کم کاٹن نے نئی تاریخ رقم کردی۔

کم کاٹن آئی سی سی مینز انٹرنیشنل کے دو مکمل رکن ممالک کے درمیان کرکٹ میچ کی امپائرنگ کرنے والی دنیا کی پہلی خاتون آن فیلڈ امپائر بن گئیں۔

بدھ کو نیوزی لینڈ اور سری لنکا کے درمیان دوسرے T20 میچ میں ایک کیوی خاتون امپائر نے فیلڈ امپائرنگ کے فرائض سرانجام د ئیے ، 45 سالہ کم کاٹن نے خواتین کے 16 ون ڈے انٹرنیشنل اور 44 ویمنز ٹی ٹوئنٹی انٹرنیشنلز میں امپائرنگ کی ہے۔

واضح رہے کہ 2019 میں آسٹریلیا سے تعلق رکھنے والی کلیئر پولوساک نے مردوں کے بین الاقوامی میچ میں امپائرنگ کرنے والی پہلی خاتون آن فیلڈ امپائر ہونے کا اعزاز حاصل کیا تھا تاہم انہوں نے دو ایسوسی ایٹ ممالک عمان اور نمیبیا کے درمیان ون ڈے میچ میں امپائرنگ کی۔تاہم، کم کاٹن پہلی خاتون آن فیلڈ امپائر ہیں جنہوں نے آئی سی سی کے دو مکمل رکن ممالک کے درمیان میچ میں امپائرنگ کی ہے۔