19
اردوورلڈ کینیڈا( ویب نیوز) خیبرپختونخوا حکومت نے بیرون ملک مقیم پاکستانیوں کے لیے مفت ایمبولینس سروس شروع کرنے کا فیصلہ کیا ہے۔.
دستاویز کے مطابق صوبائی حکومت کی جانب سے مفت ایمبولینس سروس کے لیے 7 کروڑ روپے مختص کیے گئے ہیں، مختص فنڈ سے 6 ایمبولینسیں خریدی جائیں گی جبکہ ماہانہ پٹرول اور دیگر اخراجات کے لیے 15 لاکھ روپے کا اضافی فنڈ جاری کیا جائے گا۔.
دستاویز میں کہا گیا ہے کہ یہ سروس بیرونی ممالک سے لائی گئی لاشوں کو آبائی علاقوں میں منتقل کرے گی پشاور اور اسلام آباد ایئرپورٹ پر مفت ایمبولینس سروس فراہم کی جائے گی حکومت نے یہ کام محکمہ آبادکاری کو سروس شروع کرنے کا کام سونپا ہے۔.
دستاویز میں مزید کہا گیا ہے کہ اس سلسلے میں محکمہ ریلیف سول ایوی ایشن اتھارٹی کے ساتھ تمام معاملات طے کرے گا، خیبرپختونخوا کی ایک بڑی آبادی بیرون ملک مقیم ہے، لواحقین کو میت کو ہوائی اڈے سے ان کے آبائی علاقے میں منتقل کرنے میں مشکلات کا سامنا ہے۔
