اردو ورلڈ کینیڈا( ویب نیوز)چوہدری پرویز الٰہی نے کہا کہ عدلیہ سے انصاف کی امید تھی، عدلیہ نے آئین کی بالادستی برقرار رکھی، فیصلے سے عدلیہ کا وقار بلند ہوا، الیکشن کمیشن لاہور ہائیکورٹ کے فیصلے کے بعد تاخیر نہ کرے، الیکشن کمیشن کمیشن ۔ شیڈول کا اعلان کر ے
اس سے قبل سابق وزیر اعلیٰ چوہدری پرویز الٰہی نے کہا تھا کہ وکلاء برادری آئین و قانون کی بالادستی اور حکومت کے غیر آئینی اقدامات کے خلاف عمران خان کی جدوجہد میں ان کا ساتھ دے۔ عدلیہ آئین کی بالادستی کے لیے قوم کی امید ہے سیاسی مخالفین کی گمشدگی کے واقعات کو بھی مدنظر رکھا جائے۔
چوہدری پرویزالٰہی نے مزید کہا کہ نگران سیٹ اپ الیکشن کرانے کی بجائے جانبدار افسران کی تعیناتی اور انتقام لینے میں مصروف ہے، پی ڈی ایم کی قیادت الیکشن میں اپنی شکست دیکھ رہی ہے، شکست سے ڈر کر آئین کو پامال کرنے کے لیے الیکشن سے بھاگ رہی ہے۔ پی ڈی ایم کی قیادت کی پوری توجہ وزیر بنانے پر ہے۔
ان کا مزید کہنا تھا کہ عوام کو ریلیف دینے کے بجائے حکومت کے وسائل وزراء پر ڈالے جا رہے ہیں، سیاسی مخالفین کو غیر قانونی طور پر اٹھا کر غائب کیا جا رہا ہے، وزیر خزانہ نے مزید 170 ارب کے ٹیکسوں کا بوجھ عوام پر ڈالنے کا اعلان کر دیا عمران خان کی مقبولیت کی وجہ سے حکمران الیکشن سے بھاگ رہے ہیں۔
