اردوورلڈ کینیڈا ( ویب نیوز )باڑہ میں سیکیورٹی فورسز کی گاڑی کے قریب بارودی سرنگ پھٹنے سے سیکیورٹی فورسز کے 2 جوان شہید ہوگئے۔
آئی ایس پی آر کے مطابق شہید ہونے والوں میں نائب صوبیدار حضرت گل اور سپاہی نذیر اللہ شامل ہیں۔
پاک فوج کے شعبہ تعلقات عامہ کا کہنا ہے کہ ہمارے جوانوں کی قربانیاں ہمارے عزم کو مضبوط کرتی ہیں۔
آئی ایس پی آر حکام کا کہنا تھا کہ علاقے سے دہشت گردوں کا صفایا کرنے کے لیے آپریشن جاری ہے، پاکستان کی سیکیورٹی فورسز دہشت گردی کی لعنت کے خاتمے کے لیے پرعزم ہیں۔
بارودی سرنگ کے دھماکے کے نتیجے میں فرنٹیئر کور خیبرپختونخوا کے نائب صوبیدار حضرت گل شہید کا تعلق ضلع لوئر دیر کی تحصیل تمر گڑھ سے ہے جبکہ نائیک نذیر اللہ شہید کا تعلق جنوبی وزیرستان کی تحصیل سراروغہ سے ہے۔
نائب صوبیدار حضرت گل شہید نے سوگواران میں بیوہ، 2 بیٹے اور 2 بیٹیاں چھوڑی ہیں۔
پاک سرزمین کے شہداء کی یہ قربانیاں ہم سب پر قرض ہیں جو ہم نے مل کر دہشت گردوں کے خاتمے کی صورت میں ادا کرنا ہے۔ وطن عزیز کے بہادر شہداء اور وطن کی راہوں پر اپنی جوانیاں قربان کرنے والے جوانوں کو ہمارا سلام۔
