عمران خان مان لیں وہ غیرجمہوری تھے ، واپس پارلیمنٹ میں آئیں ، بلاول بھٹو

257

اردو ورلڈ کینیڈا ( ویب نیوز)وزیر خارجہ بلاول بھٹو نے پاکستان تحریک انصاف کے چیئرمین عمران خان کو مشورہ دیا ہے کہ وہ توبہ کریں، معافی مانگیں اور تسلیم کریں کہ وہ غیر جمہوری تھے، پارلیمنٹ میں واپس آئیں اور ہم سے بات کریں۔

امریکی میڈیا کو انٹرویو دیتے ہوئے بلاول بھٹو نے کہا کہ عمران خان چاہتے ہیں کہ فوج سیاست میں کردار ادا کرے تاکہ ان کواقتدار میں واپسی میں مدد ملے، اگر وہ اپنا طریقہ کار بدلیں تو سیاست میں ان کا مستقبل ہے۔
بلاول بھٹو نے دعویٰ کیا کہ نئی سویلین اور ملٹری قیادت نے عمران خان کی پالیسی پر فل سٹاپ لگا دیا ہے۔
انہوں نے کہا کہ عمران حکومت کی پالیسی دہشت گردوں کو خوش کرنا ہے، تحریک طالبان پاکستان کے ساتھ دوستی رکھنے والا ملک پاکستان کا دوست نہیں ہو سکتا۔