129
اردو ورلڈ کینیڈا ( ویب نیوز)عدلیہ کے خلاف منظور کی گئی قرارداد واپس لینے کے لیے وزیراعظم اور سیکرٹری کابینہ ڈویژن کو خط لکھ دیا گیا ہے۔
خط جوڈیشل ایکٹوازم پینل کے چیئرمین اظہر صدیق ایڈووکیٹ کی جانب سے ارسال کیا گیا ہے، خط کے متن میں کہا گیا ہے کہ سپریم کورٹ نے انتخابی عمل درآمد کیس میں 90 روز میں انتخابات کرانے کا حکم دیا ہے۔
وزیراعظم کی زیر صدارت وفاقی کابینہ نے سپریم کورٹ کے فیصلے کے خلاف قرارداد منظور کرلی۔ پاکستان کے آئین کے تحت تمام ادارے سپریم کورٹ کے حکم کے پابند ہیں۔ آئین میں سپریم کورٹ کے فیصلے کے خلاف اپیل کا قانونی طریقہ کار موجود ہے۔
وفاقی کابینہ نے عدلیہ مخالف قرارداد منظور کرکے غیر آئینی طریقہ اپنایا، وفاقی کابینہ کا یہ اقدام آئین کے آرٹیکل 204 کے تحت واضح طور پر توہین عدالت ہے۔
وفاقی کابینہ نے منظور شدہ قرارداد واپس نہ لی تو توہین عدالت کی کارروائی کے لیے عدلیہ سے رجوع کیا جائے گا۔
