اردو ورلڈ کینیڈا ( ویب نیوز )الیکشن کمیشن نے سندھ حکومت کا خط مسترد کرتے ہوئے کراچی اور حیدرآباد میں بلدیاتی انتخابات کل کرانے کا حکم دے دیا۔

ذرائع کے مطابق چیف الیکشن کمشنر سکندر سلطان کی زیر صدارت اسلام آباد میں الیکشن کمیشن کے ہیڈ کوارٹر میں ویڈیو لنک کے ذریعے اہم اجلاس ہوا۔

سیکرٹری الیکشن کمیشن عمر حمید اور کراچی سے صوبائی الیکشن کمشنر اعجاز انور چوہان نے ویڈیو لنک کے ذریعے اجلاس میں شرکت کی۔

اجلاس میں سندھ حکومت کی جانب سے کراچی اور حیدرآباد میں بلدیاتی انتخابات ملتوی کرنے کی درخواست پر غور کیا گیا۔

واضح رہے کہ سندھ حکومت نے الیکشن کمیشن سے کراچی اور حیدرآباد کے بلدیاتی انتخابات کل کو ملتوی کرنے کی

درخواست کی ہے جب کہ حساس اداروں نے بھی سیکیورٹی خدشات کے پیش نظر انتخابات ملتوی کرنے کی درخواست کی ہے۔
اجلاس میں کہا گیا کہ سندھ میں بلدیاتی انتخابات کل اتوار کو ہی ہونگے ۔