36
اردوورلڈ کینیڈا( ویب نیوز)لیفٹیننٹ جنرل محمد عاصم ملک کو ڈی جی آئی ایس آئی تعینات کر دیا گیا ہے۔ لیفٹیننٹ جنرل محمد عاصم ملک تیس ستمبر کو اپنی نئی ذمہ داری سنبھالیں گے۔
لیفٹیننٹ جنرل محمد عاصم ملک اس وقت جی ایچ کیو میں ایڈجوٹنٹ جنرل کے طور پر خدمات انجام دے رہے ہیں۔
لیفٹیننٹ جنرل عاصم ملک اس سے قبل بلوچستان میں انفنٹری ڈویژن اور وزیرستان میں انفنٹری بریگیڈ کی کمان کر چکے ہیں، لیفٹیننٹ جنرل عاصم ملک اپنے کورس میں اعزاز کی تلوار بھی حاصل کر چکے ہیں۔
اس کے علاوہ لیفٹیننٹ جنرل عاصم ملک کو چیف انسٹرکٹر این ڈی یو اور انسٹرکٹر کمانڈ اینڈ اسٹاف کالج کوئٹہ بھی تعینات کیا گیا ہے، لیفٹیننٹ جنرل محمد عاصم ملک فورٹ لیون ورتھ اور رائل کالج آف ڈیفنس اسٹڈیز سے فارغ التحصیل ہیں۔
