ایک بیان میں مہاتیر محمد نے کہا کہ قاتل اسرائیلی حکومت فلسطینیوں کو صفحہ ہستی سے مٹانے کی کوشش کر رہی ہے۔انہوں نے کہا کہ اسرائیل کی حمایت میں بائیڈن کا بیانیہ نیتن یاہو اور پینٹاگون کے تاثرات پر مبنی ہے۔مہاتیر محمد نے کہا کہ اسرائیل اور اس کے آئی ڈی ایف دہشت گرد ہیں، امریکہ دہشت گردوں کی کھلم کھلا حمایت کر رہا ہے تو خود امریکہ کیا ہے؟

واضح رہے کہ غزہ پر جاری اسرائیلی بمباری میں 15 سو سے زائد بچوں سمیت شہید فلسطینیوں کی تعداد 4 ہزار سے تجاوز کر گئی ہے جب کہ اسرائیلی بربریت سے 14 ہزار سے زائد فلسطینی زخمی ہو چکے ہیں۔اسرائیلی بمباری میں غزہ کے 30% مکانات تباہ ہو چکے ہیں جب کہ بے گھر ہونے والے فلسطینیوں کی تعداد 10 لاکھ سے تجاوز کر گئی ہے۔