اردوورلڈ کینیڈا( ویب نیوز)پاکستانی سپر اسٹار ماہرہ خان نے شوبز انڈسٹری میں قدم رکھنے کی کی روداد بتا دی۔ایک انٹرویو کے دوران ماہرہ خان نے کہا کہ میری پیدائش کراچی میں ہوئی اور میں نے او لیول تک تعلیم یہیں حاصل کی، اس کے بعد میں اپنے چھوٹے بھائی کے ساتھ اعلیٰ تعلیم کے لیے امریکا چلی گئی، تاہم وہاں جانے کے بعد میں نے مختلف ملازمتیں کیں۔
اداکارہ نے کہا کہ مجھے پہلی نوکری 16 سال کی عمر میں فارمیسی میں ملی لیکن اس کے باوجود میں نے فلم فیسٹیول اور شوبز کی دیگر تقریبات میں شرکت کی اور رضاکار کے طور پر کام کیا۔
ماہرہ کا کہنا تھا کہ میں امریکا میں گرمیوں کی تعطیلات کے باعث پاکستان آئی تو میں نے بطور ویڈیو جاکی (وی جے) کام کرنا شروع کیا اور جلد ہی مجھے اس کام سے لطف آنے لگا اور پھر میں امریکا جانے کے بجائے یہیں پاکستان میں ہی رہ گئی اور شادی کر لی، یہاں مجھے شادی کے بعد کئی ڈراموں میں اداکاری کی آفرز ہوئیں۔
انہوں نے کہا کہ میں نے بطور فلمی اداکارہ اپنے کیریئر کا آغاز فلم ’’بول‘‘ سے کیا، اگرچہ میں نے فلموں میں اداکاری کا آغاز کیا لیکن مجھے شہرت ٹی وی ڈراموں سے ملی۔
ان کا مزید کہنا تھا کہ مجھے اپنے شوبز کیرئیر میں چند مشکلات کا سامنا کرنا پڑا لیکن اداکارہ بننے کے بعد میرے خاندان کو مجھ پر فخر ہے، مجھے سب سے زیادہ فخر اپنے سابق شوہر پر ہے کیونکہ سابق شوہر جانتے ہیں کہ میں نے کتنی محنت کی او ر اداکاری میں کیسے آئیں۔
43
