ذرائع کے مطابق محمود اچکزئی تمام سیاسی جماعتوں کی مشاورت سے اتحاد کی سربراہی کریں گے اور وہ تین دن کے اندر مولانا فضل الرحمان سے بھی ملاقات کریں گے اور انہیں اتحاد میں شامل ہونے کی دعوت دیں گے.
ذرائع کا کہنا ہے کہ مولانا فضل الرحمان پہلے ہی حکومت کے خلاف کال کر چکے ہیں، محمود خان اچکزئی کی قیادت میں پی ٹی آئی اور جے یو آئی احتجاجی مظاہروں کا اعلان کریں گے.
پی ٹی آئی اور جے یو آئی محمود خان اچکزئی کی قیادت میں اکٹھے ہوں گے جبکہ جماعت اسلامی کو بھی اتحاد میں اہم مقام ملنے کا امکان ہے.
اس سے قبل حزب اختلاف کی پانچ جماعتوں نے گرینڈ الائنس کے حوالے سے میٹنگ کی تھی جس میں جماعت اسلامی کے لیاقت بلوچ، پختونخوا ملی عوامی پارٹی کے محمود اچکزئی، بلوچستان نیشنل پارٹی کے اختر مینگل، تحریک انصاف کے چیئرمین گوہر خا ن مجلس وحدت المسلمین کے. علامہ راجہ ناصر عباس نے بھی شرکت کی.
پی ٹی آئی کے اسد قیصر اور اپوزیشن لیڈر عمر ایوب نے بھی اجلاس میں شرکت کی. اہم اجلاس میں اپوزیشن اتحاد کی تشکیل سے متعلق امور پر مشاورت کی گئی جبکہ کچھ اہم فیصلے بھی کیے گئے.