ishtiaq ahmed 
اردو ورلڈ کینیڈا ( ویب نیوز)کراچی سمیت ملک کے دیگر شہروں میں بجلی کا بڑا بریک ڈان ایکسٹرا ہائی ٹینشن لائن ٹرپ ہونے سے بجلی کی فراہمی متاثر ہو گئی۔
تفصیلات کے مطابق گڈو تھرمل پاور سٹیشن میں فنی خرابی کے باعث 6 یونٹ ٹرپ کر گئے۔
یہ چھ یونٹ 832 میگاواٹ بجلی پیدا کر رہے تھے اور ان کے ٹرپنگ کے باعث بجلی کی پیداوار صفر تک پہنچ گئی ہے۔
علاوہ ازیں گڈو تھرمل پاور اسٹیشن سے سندھ، بلوچستان اور پنجاب کو بجلی کی فراہمی معطل ہے۔
اضافی ہائی ٹینشن لائن ٹرپ ہونے کے بعد بجلی کی فراہمی میں خلل پڑا، جس کے نتیجے میں 30 سے زائد گرڈز بند ہو گئے۔
گلشن معمار، ایف بی ایریا، لیاقت آباد، سائٹ، سپر ہائی وے، نارتھ کراچی، نارتھ ناظم آباد، سرجانی ٹان، گلشن، شاہ فیصل اور ملیر میں بجلی کی بندش رہی۔
اورنگی ٹان، بلدیہ، صدر، صفورا چورنگی، سکیم 33 اور گردونواح کے علاقے بھی بجلی سے محروم علاقوں میں شامل ہیں۔
واپڈا کے ایگزیکٹو انجینئر کے مطابق بریک ڈان کی وجہ سے سندھ میں بجلی کا مکمل بریک ڈان ہے۔
بجلی کے بریک ڈان کے باعث پنجاب اور بلوچستان کے مختلف اضلاع کو بھی بجلی کی بندش کا سامنا ہے۔
