اردو ورلڈ کینیڈا ( ویب نیوز )کراچی کے جنوبی علاقے میں جمعرات کی صبح 500 کے وی کی دو ٹرانسمیشن لائنوں میں خرابی کے باعث لاہور کے مختلف علاقے 12 گھنٹے سے زائد عرصے سے بجلی سے محروم ہیں۔
تفصیلات کے مطابق شہر کے جو علاقے 16 گھنٹے سے زائد بجلی سے محروم ہیں ان میں ڈیفنس روڈ، رائیونڈ روڈ، ٹھوکر نیاز بیگ، لالہ زار کالونی، سبزہ زار، سلامت پورہ اور ملحقہ علاقے شامل ہیں۔
اس سے قبل گڈو تھرمل پاور سٹیشن میں فنی خرابی کے باعث 6 یونٹ ٹرپ کر گئے تھے۔ یہ چھ یونٹ 832 میگاواٹ بجلی پیدا کر رہے تھے اور ان کے ٹرپنگ کے باعث بجلی کی پیداوار صفر ہو گئی۔
علاوہ ازیں گڈو تھرمل پاور اسٹیشن سے سندھ، بلوچستان اور پنجاب کو بجلی کی فراہمی معطل ہوگئی۔
گزشتہ روز بریک ڈائون کے باعث ملک کے کئی علاقے بجلی سے محروم ہوگئے تھے تاہم وزیر توانائی نے یقین دہانی کرائی تھی کہ رات گئے تک بجلی بحال کردی جائے گی اس کے باوجود ابھی تاحال بہت سا رے علاقے بجلی سے محروم ہیں
