167
اردو ورلڈ کینیڈا ( ویب نیوز ) لبنان میں لبنیٰ نامی خاتون نے چھت سے گرنے والے بیٹے کو بچانے کے لیے جان دے کر ممتا کی نئی مثال قائم کردی۔
عرب میڈیا کی رپورٹ کے مطابق یہ افسوسناک واقعہ لبنان کے شمالی علاقے بابنین میں پیش آیا جہاں لبنا نامی خاتون چھت کے کنارے سے گرنے والے اپنے بیٹے کو بچاتے ہوئے چھت سے گر گئی۔
میڈیا رپورٹ کے مطابق لبنیٰ اس حادثے میں اپنے بیٹے کی جان بچانے میں کامیاب ہوگئیں لیکن اپنی جان سے ہاتھ دھو بیٹھیں۔ ممتا کی اس نئی مثال قائم ہونے کے ساتھ ہی سوشل میڈیا صارفین لبنیٰ کی موت پر غمزدہ ہیں اور ساتھ ہی لبنیٰ کے اہل خانہ سے ہمدردی کا اظہار کر رہے ہیں۔
