اردو ورلڈ کینیڈا ( ویب نیوز ) بھارتی ریاست راجستھان میں مردہ قرار پانے والا شخص 33 سال بعد  زندہ سلامت اپنے گھر پہنچ گیا ہے۔

بھارتی میڈیا رپورٹس کے مطابق 75 سالہ ہنومان سینی نئی دہلی میں کام کرتے تھے اور وہ 33 سال قبل 1989 میں اچانک لاپتہ ہو گئے تھے، جب ہنومان سینی کافی دیر تک گھر واپس نہیں آئے تو ان کے اہل خانہ نے یقین کیا کہ وہ مر چکے ہیں۔ موت کا سرٹیفکیٹ بھی پیش کیا گیا۔

پچھلے سال ہنومان سینی کے اہل خانہ نے بھی ان کی واپسی کی تمام امیدیں ختم ہونے پر غور کرتے ہوئے ان کی آخری رسومات ادا کیں۔میڈیا رپورٹس کے مطابق 30 مئی 2023 کو جب ہنومان سینی اچانک

یہ بھی پڑھیں

30سال قبل مردہ قرار دی گئی خاتون زندہ ہو گئی

راجستھان کے الور ضلع میں اپنے گھر پہنچے تو سبھی حیران رہ گئے اور پورے گاؤں نے ان کا پرتپاک استقبال کیا۔تین دہائیوں سے زائد عرصے کے بعد گھر واپس آنے والے اس شخص کا کہنا ہے کہ اس نے ہماچل پردیش کے کانگڑا ماتا مندر میں دیوتاؤں کی خدمت کرتے ہوئے 33 سال گزارے۔اس دوران ہنومان سینی کے پانچوں بچوں کی شادی ہو گئی جن میں تین بیٹیاں اور دو بیٹے شامل تھے۔