نوال سعید نے نجی ٹی وی کے پروگرام میں شرکت کی جہاں انہوں نے اپنے شوبز کیرئیر میں اپنے تجربات اور رکاوٹوں پر روشنی ڈالی۔
اداکارہ نے کہا کہ انہیں پاکستانی کرکٹ ٹیم کے متعدد تصدیق شدہ سوشل میڈیا اکاؤنٹس سے پیغامات موصول ہونے پر حیرت ہوئی۔
انہوں نے کہا کہ کرکٹ ٹیم کے کھلاڑی ملک کے سفیر ہیں اور ان کی جانب سے ایسے پیغامات انتہائی نامناسب ہیں۔
نوال سعید نے کسی کھلاڑی کا نام لیے بغیر کہا کہ کھلاڑی ملک میں اپنی پوزیشن کا خیال رکھیں اور ایسی حرکتوں سے گریز کریں۔
ان کا مزید کہنا تھا کہ فنکار لوگوں کو محظوظ کرتے ہیں جبکہ کھلاڑی ملک کے ترجمان ہوتے ہیں اس لیے انہیں سوشل میڈیا پر پروفیشنل موجودگی ہونی چاہیے۔