اردو ورلڈ کینیڈا ( ویب نیوز )اسلام آباد ہائیکورٹ نے چیئرمین پاکستان تحریک انصاف عمران خان کی 7 مقدمات میں عبوری ضمانت منظور کرتے ہوئے گرفتاری سے روک دیا۔
سابق وزیراعظم عمران خان عدالت میں پیشی کے لیے زمان پارک سے قافلے کی صورت میں روانہ ہوئے تھے۔
عمران خان کے قافلے کو اسلام آباد پولیس کے دستے نے گھیرے میں لے لیا اور قافلے میں شامل درجنوں گاڑیوں کو روک لیا گیا۔ اسلام آباد پولیس نے غلام سرور خان کو گرفتار کرنے کی کوشش کی لیکن وہ فرار ہونے میں کامیاب ہو گئے ۔ پولیس نے عمران خان کے آفیشل فوٹوگرافر نعمان جی سمیت پی ٹی آئی کے متعدد کارکنوں کو حراست میں لے لیا۔
عمران خان کی گاڑی اسلام آباد ہائیکورٹ کے دروازے پر موجود۔
pic.twitter.com/aDGCCffxY5— PTI (@PTIofficial) March 27, 2023
اسلام آباد ہائی کورٹ میں پی ٹی آئی چیئرمین عمران خان کی ضمانت قبل از گرفتاری کی درخواست میں موقف اختیار کیا گیا ہے کہ مقدمات سیاسی انتقام کا نشانہ بنا کر درج کیے گئے۔
درخواست میں عدالت سے استدعا کی گئی ہے کہ 7 مقدمات میں ضمانت قبل از گرفتاری کی درخواستیں منظور کرتے ہوئے فریقین کو درخواست گزار کی گرفتاری سے روکا جائے۔
عمران خان کا قافلہ اسلام آباد داخل
– pic.twitter.com/M36EoRxkkV— PTI (@PTIofficial) March 27, 2023
اسلام آباد ہائی کورٹ کے رجسٹرار آفس نے عمران خان کی سات عبوری ضمانت کی درخواستوں پر دو اعتراضات اٹھائے۔
رجسٹرار آفس نے کہا کہ عمران خان نے بائیو میٹرک نہیں کروائی، ٹرائل کورٹ کے سامنے ہائیکورٹ میں درخواست کیسے دائر کی جا سکتی ہے۔
