اردو ورلڈ کینیڈا ( ویب نیو ز ) امریکی صدر ڈونلڈ ٹرمپ نے کہا کہ کینیڈا کے وزیر اعظم مارک کارنی اگلے ہفتے واشنگٹن کا دورہ کریں گے۔

ٹرمپ نے کہا کہ وہ بہت اچھے انسان ہیں، تاہم، ٹرمپ کی ٹیرف پالیسیوں اور کینیڈا کو امریکہ کی 51 ویں ریاست بنانے کی ٹرمپ کی دھمکیوں پر دونوں ممالک کے درمیان تناؤ برقرار ہے۔ٹرمپ نے کابینہ اجلاس کے دوران میڈیا سے بات کرتے ہوئے کہا کہ میں نے کل ان سے بات کی، بات چیت بہت اچھی ہوئی اور میں نے انہیں ان کی جیت پر مبارکباد دی۔ کارنی بہت اچھے انسان ہیں اور جلد ہی ایک ہفتے یا اس سے کم وقت میں وائٹ ہاؤس میں ہوں گے۔یہ بیان ایسے وقت میں سامنے آیا ہے جب کینیڈا کی لبرل پارٹی کے رہنما مارک کارنی نے امریکی صدر ٹرمپ کا مقابلہ کرنے کے وعدے پر الیکشن جیتا تھا ۔