اردو ورلڈ کینیڈا ( ویب نیوز ) غزہ میں 7 اکتوبر 2023 سے 30 جون 2024 کے درمیان 64،260 اموات ہوئیں۔

جو کہ فلسطینی وزارت صحت کے سرکاری اعداد و شمار سے تقریباً 41 فیصد زیادہ ہیں۔ رپور ٹ لانسیٹ جنرل میں شائع ہوئی فلسطینی وزارت صحت نے اس وقت مرنے والوں کی تعداد 37،877 بتائی ہے۔رپورٹ کے مطابق مرنے والوں میں 59.1 فیصد خواتین، بچے اور 65 سال سے زیادہ عمر کے افراد شامل ہیں۔

اس حساب کے مطابق اکتوبر تک غزہ میں شہداء کی تعداد 70 ہزار سے تجاوز کر چکی ہے۔رپورٹ شماریاتی طریقہ ‘کیپچر ری کیپچر اینالیسس کا استعمال کرتے ہوئے بنائی گئی ہے، جو تمام متعلقہ ڈیٹا کو ریکارڈ نہ کرنے پر استعمال ہوتی ہے۔واضح رہے کہ الجزیرہ کے مطابق 7 اکتوبر 2023 سے اب تک غزہ میں اسرائیل کی نسل کشی میں کم از کم 46،000 سے زیادہ فلسطینی ہلاک اور 109،000 سے زیادہ زخمی ہو چکے ہیں۔